Corvus monedula

Corvus monedula choya
Estáu de caltenimientu
Esmolición menor (IUCN 3.1)[1]
Clasificación científica
Reinu:	Animalia
Filu:	Chordata
Clas:	Aves
Orde:	Passeriformes
Familia:	Corvidae
Xéneru:	Corvus
Subxéneru:	Coloeus
Especie:	C. monedula (Linnaeus, 1758)
Distribución
Consultes
[editar datos en Wikidata]

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu. La choya^[2] (Corvus monedula) ye una especie d'ave paseriforme de la familia de los córvidos (Corvidae). Distribuyida a lo llargo d'Europa, l'occidente d'Asia y África del Norte, y ye polo xeneral una especie residente, anque les poblaciones nel norte y l'oriente suelen migrar escontra'l sur nel iviernu. Esisten cuatro subespecies reconocíes que s'estremen principalmente pola coloración del plumaxe de la cabeza y nuca. Linneo foi'l primeru en describir la especie, asignándola'l nome de Corvus monedula. L'analís d'ADN suxure que'l so pariente más cercanu ye la glayina oriental (Corvus dauuricus), y que constitúi una ramificación temprana del xéneru Corvus, posiblemente lo suficientemente distintu como pa xustificar reclasificación nun xéneru separáu, Coloeus.

La glayina occidental tien un llargor de 34-39 cm, un plumaxe negru con una nuca gris y los irises d'un gris pálidu distintivu. Ye una ave gregaria y vocal, que vive en pequeños grupos con una complexa estructura social. Habita tierres de cultivu, montes abiertos, cantiles costeros y ambientes urbanos, y ye un omnívoru comenenciosu que s'alimenta d'una gran variedá d'invertebraos, materies vexetales, lo mesmo que de les borrafes d'alimentos qu'atopa nes zones urbanes. Ye monógama y constrúi senciellos niales de ramines nos cuévanos d'árboles, cantiles o edificios. La fema pon y guara unos cinco güevos de color azul maciu o azul verdoso con manches marrones. Les críes abandonen el nial dientro de cuatro o cinco selmanes.

1. ↑ BirdLife International (2012). «Corvus monedula» (inglés). Llista Roxa d'especies amenazaes de la UICN 2013.2. Consultáu'l 26 de payares de 2013.
2. ↑ URL de la referencia: http://www.sabencia.net/nomenclator.php.